Os alumnos de 5.º de Primaria do CEIP Chano Piñeiro fixeron unha visita por distintos sitios da cidade
CASA DAS CIENCIAS
O día 28 de Xaneiro, os nenos e nenas de 5.º de Primaria do centro educativo Chano Piñeiro (Gondomar), visitaron algúns lugares da Coruña, como o Domus, a Casa das Ciencias e o acuario de Finisterrae.
O primeiro sitio ao que foron foi o acuario. Nel puideron observar un gran tipo de diversidade mariña, como focas, polbos, congros, morenas…
No Domus, viron moitos tipos de cousas, por exemplo, unha máquina que permite ver o cerebro.
Finalmente, foron á Casa das Ciencias, onde puideron ver todas as estrelas e planetas como se fora de noite e unha exposición de experimentos.
Despois de todo, regresaron en autobús a Gondomar.